أدهم بغضب : مش عايز اسمع صوتك انتى فاهمة غورى من وشى انتى كمان و تركها وذهب إلى الحمام ليأخذ شاور كى ينفض تلك الأفكار التى تراكمت عليه وكل الاوجاع التى عادت اليه مرة أخرى
وكأن الايام تأبى ان ينسى ماحدث
انتهى أدهم وطلع ولكنه سمع صوت شهقات عشق المكتومة
أدهم وهو يتقدم ببطئ حتى وصل إليها وجدها نايمة على السرير وقدم يده كى يرتب على رأسها وجدها تضع المخدة على وجهها حتى تكتم صوت شهقاتها
أدهم بحزن على ما فعله بها
أدهم : عشق !! ولكن لم تستطع عشق الرد
أدهم وهو يمسح على شعرها : عشق انا مكنش قصدى ازعلك بس كنت متعصب شوية حقك عليا
عشق ارتمت بين احضانه تلتمس الدفء رغم اذيته لها فهى لم تشعر بأحساس الأمان الا معه
أدهم قلق من تصرفها : عشق يا حبيبتى متزعليش انا مكنش قصدى ازعلك صدقينى
ولكن قد تاهت عشق وتوقف الزمن لديها لحظات حينما سمعت تلك الكلمة أ يعقل؟!
أ يعقل ان الادهم نطق تلك الكلمه لها
عشق طلعت من حــ,,ـــــضنه بخجل شديد : اسفه مكنش قصدى بس كنت مضايقة شوية
أدهم ابتسم ابتسامة خفيفة : لا متتأسفيش انا زى جوزك بردو و مسك وشها بين ايديه
أدهم : عشق متزعليش مني انا فعلا كنت متعصب جامد وعصبيتى جت فيكى انتى
عشق ببراءة : انا مش زعلانه بس ممكن اسأل سؤال
أدهم : طبعا اسألى
عشق : ليه فى مشاكل بينك وبين اخوك وليه اتضايقت اوى كدا اما رجه البيت
أدهم بضيق : عشق اقفلى الموضوع دا ومتسأليش على اى حاجة فيه فاهمة
عشق بزعل : فاهمة
أدهم وهو بياخدها فى حــ,,ـــــضنه : تعالى نرتاح شوية من السفر ملحقناش نرتاح حتى
عشق بتوتر : احم ممكن بس تشيل ايدك لوسمحت
أدهم وهو يمثل الجمود : عشق نامى وانتى ساكته
عشق بتذمر كالاطفال : حاضر
ابتسم أدهم على برائتها ثم غرقوا فى النوم
************** *************
عند حاتم ….
حاتم : انت اي اللى رجعك تانى بعد اللى عملته دا ليك عين ترجع انت اى مش بنى آدم
امينه : اى يا حاتم دا بيته زى مهو بيت أدهم ولا نسيت انه ابنك
حاتم : اى اللى بتقوليه دا يا امينه انتى عارفة كويس ابنك عمل اى وعارفة اللى عمله مكنش سهل انه يتغفر
كريم ببرود : خلاص يا حاتم باشا موضوع وانتهى واظن انه فات عليه مدة يعنى زمانه اتنسى
حاتم : انت اي يابنى انت اذيت اكتر حد حبك اذيت اخوك انت فاهم انت عملت اى انت دمرت العلاقة اللى بينكم
كريم : انت هتكدب على نفسك يا حاتم بيه ولا اى م انت عارف ان علاقتى ب أدهم مش كويسة وعارف اكتر اننا .. وقاطعه حاتم
حاتم : انت اللى دايما بتكره أدهم رغم انك عارف انك بالنسبه له كتير بس عملت اى فى الاخر اذيته اكبر أذية بقالها سنين مقصرة عليه انت دمرت حياته كل دا بسبب الأنانية و الحقد اللى ملى قلبك
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.