وش تاني بقلم ميمي عوالي الجزء الثاني

وعشان خاطر چودى ولانى عاهدت ربنا ان البنت دى تبقى فى رعايتى ، فانا واميرة قررنا اننا هنتكفل بمصاريف دراستها لحد م\اتتخرج ان شاء الله ان ربنا ادانا العمر لده ، لكن غير كده انتى مالكيش حاجة عندى ياشهيرة
ولازم كمان تعرفى حاجة مهمة ، انى يمكن ماكنتش عملت معاكى كده لو ماكنتيش جيتى جرى تطلبى منى الطلاق لما سمعتى الكلام اللى محمود قالهولك

شهيرة سكتت وهى متنرفزة جدا مش عارفة ترد عليه فرياض رجع قاللها : المأذون على وصول … قلتى ايه
شهيرة بامتعاض : ده انت مرتب كل حاجة بقى انت والكونتيسة بتاعتك
رياض ب\ مكبوت : اخرسى ، واوعاكى تجيبى سيرتها بنص كلمة
شهيرة ب\ : يعنى تخرب بيتى واسكت كمان
رياض بحزم : انتى لما جيتى اخر مرة كنتى جاية تطلبى الطلاق وادينى طلقتك .

. خلصت
شهيرة بنرفزة : بعد ماضحكتوا عليا واخدتوا منى الفيلا
الفيلا دى كانت بفلوس بيت ابويا وعمى اللى رهنتوا ، وعشان كده كان لازم الحق يرجع لصحابه
شهيرة بسخرية : وانت فجأة بقى كده ضميرك صحى ، مش كده
رياض : مالكيش فيه
شهيرة ب\ : لا ..ليا يا رياض ، انت بنى ادم انانى ، لما كنت عاوزنى وهتم*وت عليا عملت كل حاجة عشان قربى ، واول ما لقيت ان اميرة هتضيع برضة بتعمل كل حاجة عشان م\اتضيعش

كنت عاوز تاخد كل حاجة فى نفس الوقت من غير م\اتخسر حاجة يارياض
رياض سكت وال\ واضح جدا على ملامحه لدرجة ان شهيرة خافت منه ، لكن اللى شهيرة م\اتعرفوش .. ان \ رياض كان من روحه لانه عارف ان كل حرف شهيرة قالته مظبوط جدا
جت عربية محمود ونزل منها ومعاه المأذون والمحامى بتاع رياض واول ما شهيرة شافتهم قامت مسكت فى هدوم محمود وهى ثايرة جدا وعماله توصفه بكل صفات الحقارة والدونية

محمود بكل استهزاء مسك ايدها بعدها عن هدومه وقاللها بسخرية : المثل بيقول طمعنجى بنى له بيت فلسنجى سكن له فيه يامدام
رياض بصوت حازم : ها ياشهيرة قررتى ايه ، اكتبلك الشيك ونخلص ، واللا عاوزة ايه
شهيرة باستهزاء : شيك ايه اللى ممكن اصدقك واثق فيك تانى واخليك تكتبهولى ، لا ياحبيبى ، توتو على كبوتو زى مابيقولوا ، انا عاوزة فلوسى عدا ونقدا على الترابيزة

تمت اجراءات الطلاق بالكامل و رياض كان عارف ان شهيرة هتطلب فلوسها نقدى وعشان كده كان محضرهملها
شهيرة اخدت الفلوس ورجعت على القاهرة عشان تخلى الفيلا فى المهلة اللى رياض اداهالها
اميرة طول الاجراءات صممت انها م\اتبقاش موجودة اصلا فى الشالية ، فاخدت ولادها ونزلوا يتسوقوا من قبلها ، ومارجعوش البيت غير بعد ماكل حاجة انتهت

لما رجعت كان محمود لسه موجود مع رياض عشان يتطمن على صحته ، اميرة سلمت عليه وسالته عن تطورات حالة رياض ، فطمنها ان حالته اتحسنت كتير رغم ان ضغطه لسه مش مستقر اوى
بالليل بعد العشا رياض طلب من اميرة انه يتكلم معاها على انفراد بعيد عن الولاد ، واول ما قعدت معاه مد ايده ادالها ملف ولما فتحته لقت عقد للفيلا باسمها وعقد للشالية كمان باسمها ،ولقت فك رهنية بيت باباها وعمها ، و كمان ٥٠ ٪ من نصيب رياض فى الشركة