يارا 2

وفي ليلة من ليالي الشتا، والدنيا بتمطر بره، سمعت خبط على الباب. خبطات ورا بعضها، ضعيفة ومهزوزة كأن صاحبها بيمـ,ـوت من البرد أو من الخوف.فتحت الباب ببرود، ولقت الراجل اللي كان في يوم من الأيام جوزها وابن عمها. كان واقف قدامها متبهدل، ملامحه المتبجحة والثقة المستفزة اللي كانت مالية وشه زمان اتمحت تمامًا، وحل مكانها انكسار وذل يوجع العين.

دموعه كانت نازلة ومختلطة بمطر الشتا، وبمجرد ما شافها، نزل على ركبه قدام الباب ورفع إيديه يترجاها.ـ يارا… أرجوكي سامحيني! أنا ضعت… كل حاجة ضاعت مني، الست اللي اتجوزتها عليكي سابتني وسـ,ـرقت بقية فلوسي أول ما فلست، وأبويا طردني وقفل في وشي كل الأبواب… أنا ماليش غيرك يا بنت عمي.

بصت له من فوق لتحت وهي واقفة مكانها، ثابتة زى الجبل ومبتسمة ابتسامة هادية جداً، ابتسامة اللي شاف عدل ربنا بعينه ومبقاش محتاج يثبت حاجة.حاول يمسك طرف عبايتها وهو بيبكي بحرقة:
ـ أنا عرفت قيمتك متأخر… عرفت إني بعت الجوهرة اللي كانت حامياني عشان شوية تراب. أنا مستعد أعمل أي حاجة، هبوس رجلك بس ارجعيلي، واغفريلي كسرتك… ربنا عاقبني وخد حقك مني تالت ومتلت، أرجوكي ارحميني.

سحبت طرف عبايتها من إيده براحة ومن غير عـ,ـنف، وبصت في عينيه المكسورة وقالت بنبرة ناعمة بس قـ,ـاتلة من كتر برودها:
ـ أنا مسامحاك يا ابن عمي… مسامحاك من زمان، لأن الانتقام والغل ملهوش مكان في قلبي. بس المسامحة حاجة… والرجوع حاجة تانية خالص.نزلت لمستواه شوية وكملت وهي بتبص في وشه مباشرة:
ـ الراجل اللي أنتَ جاي تدور عليه جوايا، مات من اليوم اللي وقفت فيه في صالتك وبعتني عشان مشروعك.

أنتَ مابقتش تعنيلي أي حاجة، لا حب، ولا كره، ولا حتى وجع. أنتَ بقيت مجرد شخص غريب غرقان في دنيته… وأنا دنيتي خلاص مابقاش ليك فيها مكان.وقفت بكل طولها، ورجعت خطوة لورا وهي بتمسك مقبض الباب وقالت بلهجة نهائية:
ـ طريقتك في الاعتذار وصلت متأخرة أوي… زي ما وصولي لبيتك زمان كان متأخر.

اطلب الرحمة من ربنا يا ابن عمي، لأن قلبي أنا مابقاش فيه ليك غير الشفقة.وقبل ما ينطق بكلمة تانية، قفلت الباب في وشه بكل هدوء. قفلته ودارت ضهرها، ورجعت لبيتها الدافي، لنجاحها، ولقلبها اللي بقى ملكها هي وبس، وسابته بره في الضلمة والمطر، يواجه تمن الاختيار اللي اختاره بنفسه زمان.