جوري

حسام ، لا هيتجوزها يا حور عشان حسام مش زباله وإذا كنت أنا زباله ففعلا أنا زباله أن سمحت لنفسي اتهان منك انتي طالق يا حور وراح فاتح باب الشقه وماشي
حسام اتصل بمراد ،. مراد انت فين
مراد ، راجع القاهره لشغلي ولحياتي
حسام ، استنا عشان هرجع معاك
مراد ، طب ومراتك
حسام ، خلاص طلقتها معدش ليه حد هنا
مراد ، انت اتجننت مراتك وابنك ازاي تسيبهم
حسام ، معدش ليه لازمه الكلام أنا جايلك اهو

مراد ،. هتسيب نور لوحدها يا حسام
حسام ، اختها بقت كويسه تروحلها أنسا بقا السيره دي يا مراد انسا
/////////////
بعد شهرين
حور ، نور حبيبتي تيجي نخرج انهارده نعمل شوبنج ونغير جو
نور ، لا
حور ، هتفضلي حابسه نفسك كده كتير
نور ، لو سمحتي اقفلي النور والباب سيبيني أنا بحب العتمه
حور ، يانور كده غلط بقالك شهرين كده
نور بصوت عالي ، سيبينييييي كفايه بقاااااا

حور ، لا مش هسيبك ولازم تفوقي بقا الناس دي مأخدناش من وراهم غير كل حاجه وحشه
نور ، لو مخرجتيش أنا همشي ومش هوريكي وشي تاني يا حور فاهمه
حور خرجت وقفلت الباب وقعدت في الصاله تعيط علي اختها ومنظرها
حور لنفسها ، هي مش قادره تقتنع ليه أن أنا الوحيده اللي خايفه عليها ليه مش قادره تحس اننا ملناش غير بعض هو ممكن يكون حسام عنده حق فعلا أنا انانيه أنا مش عايزاها سعيده مع حد غيري احنا لازم نرجع القاهره وانا هصلح كل حاجه كنت السبب فيها

حور دخلت لنور ، نور ممكن تسمعيني
نور ، لا مش عايزه اسمعك ولا عايزه اسمع حاجه خالص
حور ، احنا هنسافر القاهره الصبح
ياتري ماذا سيحدث في القاهره يغير الأحداث
يتبع
هو كل حاجه في حياتي انتي اللي بتختاريها عني ليه
اقعدي يبقا نقعد امشي يبقا نمشي في أي ارحميني بقا أنا تعبت اوامر سيبيني اختار حياتي اللي عايزاها مره واحده بقا
حور ، بتزعقيلي يا نور كل ده عشان الاستاذ مراد بتاعك

نور ، مبتجييش سيره مراد يا حور انتي مش نهيتي كل حاجه معدتيش تجيبي سيرته بقا

حور ، نور متكلمنيش كده انا مستهلش منك كده علي فكره مايبقاش جزائي في الاخر كده انا رميت ابني ودخلت العمليات عشان الحقك مع أن كان في نسبه كبيره اني مخرجلوش تاني ليه ده يبقا جزائي في الاخر يا نور انا كل اللي عملته ده بعمله لمصلحتك ودايما شيفاني وحشة أنا فعلا وحشه وانانيه عشان من كتر حبي ليكي بقيت عامله زى القطه اللي بيقرب من ولادها بتاكله

نور ، بس اما بيكبروا بتسيبهم يشوفوا حالهم سيبيني اشوف مصلحتي وحياتي بعيد عنك
حور ، هاهون عليكي هتقدرى تنسيني يا نور
نور ، أنا عايزه أنسا كل حاجه وحشه في حياتي
حور ، يعني أنا من ضمن الحاجات الوحشه اللي في حياتك وفجأه حست بخنقه جامده ومعدتش قادره تاخد نفسها وراحت واقعه في الارض مغمي عليها
نور ، حووووور
/////////////
عند حسام ومراد
مراد ، بس ايه السكرتيره اللي بره دي يا حسام دي صاررروخ يابني