جوري

الانسه نور للاسف القلب و. قف
مراد ، يعني ايه يعني خلاص راحت مني يعني أنا ضي..عتها خلاص راحت من غير ما اقولها اني فعلا بحبها لاااا ياررررررررب
الدكتور ، هاتي الجهاز بسرعه هنعملها انعاش للقلب
الدكتور فضل يحاول لحد ما أخيرا القلب رجع ينبض من تاني
الدكتور ، اوووف الحمد لله البنت دي بتعافر مع الدنيا ومش عايزه تسيبها الحمد لله
الممرضه ،. ده جوزها بره عمال منهار أما أخرج اطمنه

الدكتور ، لا خليكي معاها وانا هروح له
الممرضه ، تمام يا دكتور
مراد منهار بره ومش قادر يقف علي رجليه خالص
الدكتور خرج بره الغرفه
الدكتور ، مالك عامل كده ليه في ايه الحمد لله بقت كويسه
مراد رفع رأسه وعنيه كلها دموع ، بجد بجد يا دكتور
الدكتور ، اه بجد القلب رجع طبيعي الحمد لله

مراد ، طب أنا عايز اشوفها والنبي اشوفها من بعيد أن شاله
الدكتور ، بتحبها اوي كده
مراد ، واكتر كمان يا دكتور ارجوك خليني اشوفها ارجوك
الدكتور ، طب بص هو مينفعش بس ماشي يا سيدي عشان بس حالتك دي اتفضل ادخل للمرضه وهي تجهزك تدخلها
مراد ، شكرا يا دكتور
مراد دخل ولبس لبس التعقيم ودخل وقف قصاد نور اللي تقريبا مش باينه من كتر الاجهزه اللي عليها

مراد ، أنا آسف يا نور آسف انا بحبك وهفضل احبك لاخر لحظه في حياتي أنا همشي خالص من حياتك سامحيني
الممرضه ، كفايه كده معلش
مراد بصلها وراح خارج
عدي اسبوع بالضبط علي أبطالنا
حسام ، هي الانسه نور فين
الممرضه ، نقلناها مع اختها فوق هي طلبت كده
حسام ، تمام وراح طالع ليهم
حسام وصل غرفه نور وحور خبط ودخل
حور ، مراد حبيبي وحشتني اوي
حسام ، اي رايك في المفجأه دي
حور ، أمم حلوه

حسام ، حمدالله على السلامه يا نور
نور ، الله يسلمك يا حسام بيه
حور ، هو احنا هنخرج امتا
حسام ، لازم عالاقل اسبوع كمان عشان ميحصلش مضاعفات
حور ،، أنا زهقت بجد
حسام ، معلش استحملي اهي نور اجتلك اهي تسليكي
نور ، اااه في الم جامد في بطني اااه
حسام خرج جرى ينده للدكتور
حور ، حاسه بأيه
نور ، حاسه أنه هيمو. ت عليكي ارجعيله بقا
حور ، انتي وقفتيلي قلبي يا شيخه

نور ، ههههه احنا ملناش غير بعض احنا الاتنين حلو أما يبقا لينا سند تالت شوفتي خرج يجبلي الدكتور بسرعه ازاي
حور ، اسكتي بقا حتي وانتي تعبانه وفيكي بلاوي الدنيا مبتبطليش رغي
حسام دخل هو والدكتور
الدكتور ، خير يا انسه نور
نور ، مفيش يا دكتور في الم بيجي ويروح في بطني

الدكتور ، اكيد لازم يبقا في الم انتي قويه ولازم تستحملي عشان اختك اللي سابت ابنها ودخلت غامرت بحياتها عشانك وعشان خطيبك اللي كان ممو. ت نفسه عياط بره هو فين صحيح يا استاذ حسام بقالي كام يوم مشفتهوش
حسام ، رجع القاهره وراه حاجه ضروريه بيعملها
الدكتور ، لا بس شكله بيحبك اوى يا انسه نور
نور عنيها اتملت دموع وراحت مغمضه عينيها
نور ، أنا عايزه انام