جوري

مراد ، ماشي يا حسام هطمن عليها ومش هوريكوا وشي ابدا
حسام ، ياريت وسابه ومشي
حور عملت الفحوصات كلها تمام ودخلت تحضر نفسها للعمليه
حور ، حسام بيه اتفضل ابنك اهو أنا مش ضامنه أخرج من جوه بس عايزه منك وعد قبل ما ادخل
حسام ، ايه
حور ، اني لو م,ت متعرفوش في يوم من الايام هو اجا ازاي
حسام ، مش هتمو,تي وانتي اللي هتربيه معايه

حور ، لو خرجت من هنا سليمه يا حسام بيه اقسم بربي ما هر,حمك انت والأستاذ اللي قاعد علي الارض ده ويني ما هرحمكو لو اختي حصلها حاجه
حسام ، أن شاء الله هتخرجوا انتو الاتنين بالسلامه
حور ، عن اذنك سابتله الولد ودخلت مع اختها غرفه العمليات
حور لقت اختها كلها اجهزه وسلوك عليها ومتركبلها جهاز اكسجين
حور عيطت وبصت لأختها ، سامحيني أنا السبب في كل اللي بيحصلك أنا السبب

الدكتور ، لا مش عايزين عياط العمليه مش سهله خليكي قويه عشان تقومي لينا بالسلامه
حور حركت رأسها بماشي وطلعت علي السرير وسلمت أمرها لله
حسام بره باصص علي ابنه ، حسام أنا آسف يا حبيبي كل اللي بيحصل لامك ده بسببي بجد أنا مستهلكمش
وراح قعد علي الكرسي وهو شايل ابنه ومراد لسه قاعد علي الارض بمنظره اللي يقطع القلب
الممرضه ، اتفضل يا استاذ مراد المصحف اللي طلبته

مراد ، شكرا واخد المصحف وقعد يقرأ في سوره يس
حسام بصله وعينيه كلها دموع ، ياترى يا مراد هنمشي من هنا فرحانين واللا زعلانين يارب أجبر بخاطرنا يارب أنا عارف اني اجيت عليها كتير بس خرجهالي بالسلامه هي واختها وانا هعوضهم عن اللي حصلهم بسببي ياااارب
بعد ست ساعات الدكتور خرج من غرفه العمليات
حسام قام جرى راحله ، اي الاخبار يا دكتور
الدكتور ، مش هقدر أفيدك قبل ٤٨ ساعه عليهم هما الاتنين
حسام ، ليه كل ده

الدكتور ، العمليه مش سهله وللأسف الانسه نور ااا
مراد سمع اسم نور قام جرى ، مالها
الدكتور ، للاسف شيلنا الطحال واستقسلنا جزء من الأمعاء والكبد والمراره لأنها نزلت علي بطنها علي حاجه زي طوبه مثلا من قوه النطره علي الطوبه كل الحاجات دي للاسف حصلها ته,تك جامد هي دي الوقت في ايد ربنا ادعولها الدعاء بيغير القدر

مراد ، أنا أنا يا حسام السبب مكنتش اعرف ان كل ده ممكن يحصل أنا السبب مو. تها بايدي يا حسام أنا لو حصلها حاجه مش هعيش دقيقه واحده بعدها
حسام مراد صعب عليه ، مراد اقعد يا حبيبي ادعيلها ادعيلها علي رأي الدكتور الدعاء بيغير القدر
مراد ، يارب يااااارب
حسام ، أنا هروح شقه حور ابات فيها عشان انيم الولد علي السرير واعمله الرضعه
مراد. ماشي ماشي يا حسام
حسام ، تيجي تبات معايه

مراد ، لا أنا مش همشي من هنا غير أما اطمن علي نور
حسام ، ماشي واخد ابنه وروح شقه حور
حسام دخل نيم ابنه عالسرير ودخل يتوضأ وراح يصلي وفضل ساجد وهو بيعيط ويدعي ربنا يخرجله الاتنين بالسلامه
مراد قاعد فجأه لقا الممرضه خارجه تجرى راحت للدكتور والدكتور راح جرى معاها
مراد ، في ايه ها في ايه حد يرد عليه
الممرضه ، ا
يتبع