قرار صادم ج1حكايات منال علي

قلت يعني مراتي وعيالي هما اللي هيبوظوا اليوم؟ قالت بلاش كلام كتير. وقفلت. قعدت أبص للموبايل. مش مستوعب. هو أنا فهمت غلط؟ ولا هي قصدها حاجة تانية؟ فضلت طول اليوم بفكر. وفي الآخر قلت لازم أكلم أمي. رحت لها. حكيت لها كل اللي حصل. كنت مستني تقول أكيد حصل سوء تفاهم. لكن... حكايات منال علي لقيتها بتقول بمنتهى البساطة بصراحة... مراتك مش مهمة في اليوم ده.

الكلمة نزلت عليا زي الطوبة. قلت إزاي يعني مش مهمة؟ قالت روح إنت... وهي تبارك بعدين. قلت بس إحنا أصلًا متفقين ننزل قبل الخطوبة... وهي اللي اشترت الهدية. أمي بصتلي وقالت بص من الآخر... أختك شايفة إن مراتك عينها وحشة... وخاېفة منها. اتجمدت مكاني. قلت بتقولي إيه؟ قالت أختك عايزة اليوم يعدي على خير. قلت يعني مراتي حسودة؟ قالت أنا مالي. .. ده اللي اتقال. حسيت ڼار طالعة في صدـ,,ـــري.

الست اللي أول ما سمعت الخبر نزلت من فلوسها اشترت لحاف وبطانية. الست اللي ادتني آخر ألف جنيه معاها. الست اللي قالتلي هات لأختك سكر ورز. بقت فجأة... عينها وحشة؟ فضلت ساكت ثواني. وبعدين قلت لأمي بهدوء يعني إخواتي التانيين هييجوا هما وجوازهم وعيالهم... وأنا أروح لوحدي؟ قالت أيوه. ابتسمت ابتسامة كلها ۏجع. وقلت يبقى خلاص... وساعتها أخدت القرار... قرار عارف إنه هيقلب البيت كله فوق دماغنا... وقبل ما أنطق بيه...

سمعت صوت باب الشقة بيتفتح، ومراتي دخلت وهي شايلة أكياس الهدية، وبتقول بابتسامة بريئة ها... أختك قالت هنعمل إيه؟ إمتى نروح نبارك لها؟ ساعتها بس... عرفت إن الجملة اللي هاقولها دلوقتي هتغيّر علاقتنا كلنا للأبد... يتبع.. يت ل ندى مراتي وهي داخلة من باب الشقة، وشها بيضحك، وشايلة في إيدها أكياس الهدية اللي راحت جابتها بفلوسها وتعبها علشان تفرح بنت أختي عبير.

كانت الحفيدة الأولى، مي، اللي كبرت قدام عنينا، وندى هي اللي كانت بتساعد عبير زمان وهي بتجهز نفسها لما اتجوزت. قربت مننا ندى ببراءة الدنيا كلها في عيونها، وقالت وهي بتبص لأمي الحاجة فاطمة ها يا حاجة سناء؟ عبير قالت هنعمل إيه؟ إمتى نروح نبارك ل مي ونوديلها الحاجات دي؟ أمي طأطأت راسها ودورت وشها الناحية التانية. كانت تهرب من نظرات ندى. أنا كنت واقف في الصالة، قلبي بېمــ,,ـــــوت من الۏجع.

بصيت لمراتي، الست اللي أكلت معايا العيش والملح، الست اللي أول ما سمعت بظروف أختي عبير وضيقة أختي، فتحت كيس حوشتها وطلبت مني أنزل أجيب سكر ورز ولحاف وبطانية عشان تستر بيت أختي قدام أهل العريس. الست دي... يتقال عليها عينها وحشة؟ يتقال عليها خايفين منها تحسد البنت؟ حسيت بدمي بيغلي في عروقي، لكن نبرة صوتي خرجت هادية جدًا، هدوء ما بعد العاصفة. بصيت ل ندى وقلت لها نزلي الأكياس دي يا ندى من إيدك.