حكايه ليلي

الست بصت لشكل ليلى لحظة وقالت اعرفيلي ابنها دا عنده كام سنه. الممرضه هزت راسها وقربت من ليلى وبطريقه تانيه قالت عرفيني ابنك عنده كام سنه علشان اسال واطمنك عليه من جوه غرفة العمليات. ليلى ردت بلهفه وقالت ابني اسمه رحيم وعنده سنه. الممرضه ابتسمت لها بخبث وسابتها وراحت للست وقالتلهاعنده سنه. الهانم فكرت لحظة وقالتالولاده بتاخد وقت قد ايه؟ الممرضه ردتمش اقل من ٤ ساعات.

اتنهدت الست بضيق مش هينفع انا كده بضيع وقت،بصت ل ليلى من بعيد وقالت بقولك ايه،تقدري تجبيلي ابن الست دي،وانا هزودك اربع اضعاف الفلوس! الممرضه اټصدمت وشهقت بخضه يا لهوي دا صعب اوي! الست خرجت مبلغ من شنطتها والممرضه خطفته من ايديها وحطته في جيبها بسرعه وقالتبصي انا هشوف الدنيا ايه الاول؟

الست بضيقبقولك معنديش وقت،اتصرفي لهفضحك هنا في المستشفى وهتكوني خسړتي الفلوس وشغلك. الممرضه خاڤت وهزت راسها وقالت بس انتي طالباه بيبي حديث الولادة،و ده عنده سنه. الهانم بضيق مش شغلك نفذي اللي بقولك عليه وانتي حاطه لسانك جوه بوقك. الممرضه بصت ل ليلى پخوف وبعدها هزت راسها بالموافقه واتحركت. لبست اللبس الخاص بغرفه العمليات ودخلت وسط الدكاتره والممرضين. شافت حاله الطفل وكان حجمه صغير،ابتسمت لحظة لانه هيكون مناسب نوعا ما.

. بعدما عمليه غسيل المعده ما انتهت،خرجوا الدكاتره وفضلت الممرضه دي وواحده معاها. الدكتور خرج يطمن ليلى وحظرها ان المره دي انقذوه ولكن هو مش متاكد المره الجايه ايه اللي هيحصل . ليلى وعدته انها هتاخد بالها اكتر والدكتور بلغها ان ابنها هيخرج بعد ساعه،وانها لازم تروح وتدفع تكاليف العمليه في الريسيبشن. ليلى هزت راسها واتحركت علشان تتصل ب علي لان فلوسها خلصت.

وفي غرفة العمليات الممرضه التانيه سابت الغرفه وخرجت بعدما اطمنت ان كل حاجة تمام. وفي اللحظة دي الممرضه بدات تفك الطفل من على الأجهزة،ولما اطمنت ان محدش موجود معاها،خرجت بطريقه ذكيه متظهرهاش وهي شايله الطفل. وقدرت بالفعل تخرج من غرفه العمليات وتوصل لغرفه تانيه علشان تقدر تخرج الطفل من المستشفى من غير ما حد يشوفها.