حكايه ليلي

حامل؟ الدكتوره بمباركهالف مبروك،ربنا يقومك بالسلامه،متنسيش تيجي تتابعي الحمل كل شهر علشان نطمن ان البيبي في امان. ليلى پصدمه وكسره تسمحيلي اخرج. الدكتورة استغربت حزنها ،لكن هزت راسها وليلى خرجت من المستشفى وهي مڼهاره من البكاء. راحت لبيت المدير وهي مڼهاره،اول ما مراته شافتها استغربت انها جايه في وقت متاخر. ليلى باڼهيار لو سمحتي خليني اقابل مستر سعيد. مرات سعيد وافقت ودخلتها وراحت تصحيه وبلغته بوجودها اول ما شافها وهي بالشكل دا استغرب وسالها خير؟

عاوزه ايه؟ ليلى قربت منه وهي مڼهاره ارجوك يا مستر سعيد،عرفني مين الشخص دا،،انا بقيت حامل ومش عارفه اعمل ايه؟ سعيد اټصدم هو ومراته،لكنه رفض يقولها مين الشخص دا،وقالالراجل دا كبيير وكمان انا قولتلك قبل كده لو اتكلت هو هيقضي عليا انا وانا مش هضيع نفسي علشانك. ليلى مشيت من عنده وهي مكسوره للموة الثالثه،ورجعت البيت،ووقتها شافها صاحب الشقه، قرب منها بقلق انتي كويسة شكلك تعبانه؟

ليلى هزت راسها وقالت تعبانه شويه،هطلع ارتاح وهاجي لحضرتك بكره. صاحب الشقه قال طيب ،بكره اخر يوم في الشهر،وانتي بقالك ٣ شهور وجوزك لسا مجاش. ليلى بتعبهخليه يكلمك بكره متقلقش. صاحب الشقه وافق ومشي وهي طلعت للشقه وهي مڼهاره. وقعت على الارض وهي بتحسس على بطنها بتعبليه بيحصل كده،انا عمري ماعملت حاجه تغضب ربنا او ظلمت حد،يارب انقذني من اللي انا فيه،دا كتير عليا اوي .

نامت ليلى مكانها من التعب. وتاني يوم خرجت ليلى للشارع وشافت شاب قاعد علي كرسي في كافيه صغير ولابس بدله،قربت منه وهي بتقول لو سمحت،ممكن تساعدني في حل مشكلة صغيره. الشاب هز راسه بترحيب وليلى قربت منه اكتر وخرجت تيلفونها عندي مشكله،انا جوزي مسافر وانا قاعده في شقه لوحدي وللاسف جوزي اختفى ومبقاش يرد على مكالماتي،وصاحب الشقه مصمم يا يشوفه او يكلمه علشان يسيبني عايشه في الشقه،كل اللي محتجاه منك تتصل عليه وتعرفه انك جوزي علشان متبهدلش في الشارع.

الشاب استغرب طلبها لكن لما لاقاها بتترجاه وپتبكي صعبت عليه ووافق. ليلى ادتله رقم صاحب الشقه ومعاه ورقه فيها كل المعلومات عنها والكلام اللي هيقوله لصاحب الشقه وقالت هو هيجي النهاردة الساعه٣،الساعه٢ كلمه وقوله الكلام دا،معلش انا هتعبك معايا بس انا محتاجه مساعدتك جدا. الشاب وافق وهي شكرته ومشيت،وفي البيت واول ما الساعه دقت ٢ بالظبط كان صاحب الشقه في طريقه ل ليلى تيلفون رن برقم غريب، فتح المكالمه وسمع صوت رجولي بيقول مساء الخير ،استاذ مكرم معايا؟

صاحب الشقه ردايوه انا مكرم. الشاب رد وهو بيقرا من الورقه اللي كاتباها ليلى انا محمد زوج مدام ليلى،انا عارف اني اتاخرت في مكالمتي بس انا مشغول جدا ودا مخليني مش قادر انزل مصر حاليا،فانا عاوزك تسيب ليلى في الشقه وفي المقابل انا هدفعلك ضعف الفلوس . مكرم وافق وهو بيرد مفيش مشكلة يا استاذ محمد اهم حاجة اني اطمنت ان الست دي فعلا متجوزه،وبالمناسبه الف مبروك على حمل مدام ليلى.