نور وراشد

نور قالت بارتباك: اه ڠصب عني، انا مش قلت لك لا ولا مقلتش؟ راشد ضحك اكتر ووقف وهو بيضحك واخد هدوم وراح الحمام وهو لسه بيضحك وسابها بتبص لطيف بغيظ. بعد شويه خرج وبصلها بطرف عينه وكان عايز يضحك تاني وقال: احم، مش هتقومي تاخدي دش؟ نور قالت بغيظ منه: ملكش دعوه بيا، واللي حصل ده ميتكررش ومتقربش مني اصلا لاني مش طيقاك. راشد رفع حاجبو وقال: اممم مش طايقاني؟

مكنتش اعرف والله، ما حسيتش كده خالص. نور قالت بارتباك: علشان مبتحسش اصلا. ولفت الملايه عليها ودخلت الحمام. بعد شويه خرجت وبقت تنشف شعرها، وكان راشد بيتكلم في التليفون وبيقول: اه يا تالا، ما انا قلت لك الشغل كله على المكتب تمام، لا والله مشغول مش هقدر اجي، اوكي اشوفك بكره. قفلت معاها وبقى يشتغل على اللاب. نور بصت له بغيظ وقالت: انا مش قلت لك الست تالا دي تمشي من المكتب؟

راشد قال بلا مبالاه: تمشي ليه يعني؟ بنت مجتهده وشغلها حلو. نور قالت بضيق: مجتهده! اه هيه فعلا مجتهده قوي معاك. راشد بصلها باستغراب وقال: انتي قصدك ايه؟ نور قالت بضيق: مبتنزليش من زور فقيره خالص يا حرام، ولا مره كان معاها فلوس تكمل الجيبه بتاعتها لحد الركبه حتى. راشد ضحك جامد وقال: وانا مالي ومال لبسها؟ المهم الشغل. نور قالت بسرعه: وحتى شغلها نفسه مش مظبوط، لازقه فيك طول اليوم، بنت مستفزه.

راشد ضحك وقال: والله انتي وسوستي، البنت بتشتغل عادي، انا ما شفتش منها اي حاجه من اللي انت بتقوليها دي. نور قالت بضيق: انت راجل مستحيل تشوف اللي احنا بنشوفه، البنت دي عينها منك، مش بس عينها وكل حاجه فيها، بنت كده بايخه قوي بكرهها. راشد قفل اللاب ووقف وقرب منها وقال: بتكرهيها ولا بتغيري منها؟

نور قالت: نعم؟ فشرت، ليه زايده عليا ايه ان شاء الله؟ راشد بصلها من فوق لتحت بوقاحه وقال: مستحيل اي واحده تذيد عليكي، انتي عمهم كلهم، بس انا قصدي غيرانه من قربها مني طول اليوم يعني. نور قالت بضيق: ما هو انت لو محترم كنت جبت سكرتير للمكتب. راشد ضحك وقال: احنا ما نستغناش عن الچنس اللطيف في الشغل، لما تكون السكرتيره كده واحدة زي تالا تفتح النفس.

نور بصتلو وقالت: يعني ايه تفتح النفس؟ لتكون عجباك؟ راشد قال بهدوء: اه عجباني جدا، شغلها ممتاذ ومواعيدها مظبوطه ومبتنساش اي حاجه. قالت بسرعه: انا مقصدش شغلها ولا اقصد المحڼ بتاعها ولا المحولات اللي 24 ساعه اللي شايفينها بتاعت الجيبه الي بتكش في الغسيل والتماحيك دي، تؤ الكلام ده عادي، انا اقصد البنت دي قربت منك قبل كده؟ اتكلم يا راشد. راشد قال بسرعه: اه، مره الانسيال بتاعها يا خراشي، انا انهرت بصراحه.

نور اتسعت عينيها بزهول وقالت: انت بتقول كده قدامي؟ راشد ضحك وقال: ما انتي اللي بتسالي اسأله غريبه النهارده. نور قالت پغضب: البنت دي تمشي يا راشد. راشد ضحك وقال: بطلي جنان ووسوسه، علشان مشيتي سكرتيره من المكتب قبل كده، والله يا بنتي مش بتعمل اي حاجه وطريقه لبسها دي عاديه يعني في بنات كثيره بتلبس كده. نور قعدت پغضب على السرير وقالت: طيب براحتك، انا كمان هجيب ممرض بدل الممرضه اللي عندي.