يارا عبد العزيز

_بابا
_اي يا حبيبي
_اتجوز طنط نور انا بحبها اوووي خليها معانا على طول مش ماما مشيت ومش هترجع تانى
_اي الكلام دا يا يحيي
_انا اسف يا بابا بس انا مش بحب ماما انا بحبك انت وطنط نور علشان هي مش بتزعقلي ولا تضـ,ـربني ولا بتلسعني بالسکينه في ضهري
_اي تلسعك في السکينه بتقول اي

_اي يا بابا
_ورينى ضهرك يا يحىى
_اي يا بابا انت هتلسعنى زي ماما
_لا يا حبيبي هشوف حاجه بس
رفعت القميص زهلت لما شوفت المنظر دا اعص*ابي اټدمرت حرفيا بقتش شايف قدامى غير كتله رماد جمره من الڼار معقول انا كنت معمى كدا معقول انا كنت مشغول لدرجه ان ابنى يحصله كدا في غيابي...خدت ابنى وطلعت علي البيت بتاعهم
خبط علي الباب
لقيتها هى فتحتلي وبابتسامه صفرا

معرفتش امسك نفسي
قربت منها وخنقتها ايوا دي بنى ادمه مش ام اصلا
كلهم اتجمعوا وشالوها من تحت ايدي بالعافيه
مسكت يحيي وعريت ضهره
_شوفو بنتكوا الام المثاليه عامله في ابنى اي شايفين دي شوهتوا انتى مش بنى ادمه انتى شيطانه..انتى ازاي كان بيجيلك قلب لكدا
والدها قرب منها
_انتى اللي عامله كدا في ابنك
_يا بابا
من غير كلام نزل عليها بالقلم

و...يارا_عبد_السلام
دعوى_حضانه
_تستاهلى انا عمري ضـ,ـربتك ولا اذيتك كدا انا طول عمري مدلعك لي عملتى في ابنك كدا وطالما ھتأذيه كدا خلفتيه لي من الاول انتى معندكيش مسئوليه انا مربتكيش الظاهر أن دلعى أثر عليكي
_ايوا انا مكنتش عوزا ابقى ام الولد دا جه بوظ كل حاجه شكلى مظهري حتى علاقتي بابوه وهوا السبب انو طلقنى أنا بعترف انى مش ام مثاليه بس هبقى ام مثاليه ازاي وانت اصلا مش مثالى انت اللي علمتني ان الخروجات والفسح متعه

وان الحياه ما هى إلا نزهه يا نعيشها بالطول والعرض يا اما احنا اللي هنخسر
_بس مش على حساب بيتك وجوزك وحياتك انتى اي مفكره أن الناس كلها زيك وهتبقى زيك يا بنتى انا اه قولتلك كدا بس مش في كل الأوقات ترفيه في ساعه مرمطه انتى فهمتي الحياه غلط وانا غلطان انى ساعدتك ورفعت قضيه على جوزك اللي اصلا معاه كل الحق في دا
للاسف يا بنتى انتى محتاجه تتعالجي

_لا يا بابا متعملش كدا انا لازم أحر*ق قلبه انا كنت بضړب يحيي بسببه انو كان دائما مسمينى الام المستهتره اللي معندهاش مسئوليه
عمروانتى بريئه يعنى فين حنيه الام فين ابنك تلسعيه تلعبي معاه مش تحبسيه وتخرجي انتى تحسسيه بالأمان والحب والحنيه مش تخوفيه من الدنيا انتى عارفه ابنك دا هيطلع اي لو كنت سبته معاكى كنتي هتجبيله عقده نفسيه كنتي هتخليه انسان غير سوي بالمره انتي شايفه انتى هتاذي ابنك اللي من رحمك ازاي ابنك اللي انتى تعبتي فيه كنتي هتخليه اي اتغيرتي اوي يا ريهام اتغيرتي ياريتني كنت سمعت كلام امى زمان ياريت يا شيخه مكنت قابلتك اصلا انتى دمرتى كل حاجه