ركبا سويا سيارته وانطلق الى احد المطاعم الذى كان حجز فيها مسبقا
ارشدهم النادل الى مكانهم بعيدا عن الانظار كان هذا اختيار ادهم
نور:يعنى انت بقى مظبط كل حاجة
ادهم:طبعا وهو ده يوم عادى برضه حبيبتى
نظرت اليه قليلا ولم تتحدث
ادهم:نور لسه مش متاكدة انى بحبك
نور:ادهم انا عمرى ماعرفت طعم الحب غير فى الروايات والافلام لكن الحب الحقيقى عمرى ما عرفته
ادهم:يعنى عمرك ماحبيتى قبل كده
نور:بصراحة لا على اد ماكان نفسى احس بالاحساس ده بس كنت ديما بقول ان اكيد الحب اما يكون فى الحلال هيكون احسن
ابتسم ادهم معجبا بحديثها ثم امسك بيدها وجدها ترتجف عندما لمسها
تعرفى انا دلوقتى اتاكدت ان اختيارى كان مظبوط .....نور بتحبينى
صمتت طويلا وهو ينظر اليها بحزن
ادهم:يظهر انى اتسرعت
نور بسرعة:لاابدا
ادهم بلهفة:يعنى بتحبينى
اومات براسها موافقة دون ان تتحدث
ادهم:لحد كده موافق بس بعدين هسمعها من شفايفك الحلوة دى
احمر وجهها بشدة ولم تتحدث بكلمة واحدة وظل هو ينظر اليها ونسى العالم وما حوله
قاطع خلوتهم صوت
مش معقول ادهم
التف ادهم فوجد شادى ابن خاله ومعه انجى شقيقته
ادهم:ازيك ياشادى اخبارك ايه
شادى :ياااه سنين ياادهم ما قبل ماتسافر ازيك عامل ايه
ادهم:بخير الحمد لله
ازيك ياانجى
انجى بدلال:انا كويسة ازيك انت وحشنا اوى
القى شادى بنظره على نور :مش تعرفنا ياادهم
امسك ادهم بكف نور يساعدها على الوقوف بجانبه وماان وقفت بجانبه حتى وضع يده على خصرها حتى اصيبت بدهشة من تصرفه ولكنها لم تتحدث
ادهم:دى نور بنت عمك
نظر شادى الى انجى:بنت عم مين
ادهم:بنت عمك انت عمك فكرى
انجى:ايه ده انت بتقول ايه
ادهم:هو انا قلت حاجة غريبة بقول بنت عمكم هو انتوا متعرفوش ان ليكم عم اسمه فكرى
شادى:معقول يعنى كلام بابا مظبوط لسه من يومين قالى اننا لينا عم اسمه فكرى
ادهم:بالظبط كده ودى نور بنته
انجى:وهى بنت خالك ماسكه كده وقاعدين فى الجو الرومانسى اوى ده
نظر ادهم الى نور وراى وجهها الغاضب فنظر لانجى بتحدى
ادهم:ماانتوا متعرفوش ان نور تبقى مراتى
شادى:ايه ده معقول يعنى انت تعرفها من زمان على كده
نظر ادهم لنور:من زمان اوى
امسك شادى بكارت واعطاه لادهم :ادهم ياريت نتقابل بالذات بعد موضوع نور
ادهم:اكيد ياشادى اكيد بس اتفضالوا نتعشى سوا اصلنا بنحتفل بكتب كتابنا
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.