قلب لا يعرف الحب

جلست دارين الاخت الصغرى لادهم بجواره:الا قولى ياادهم ياحلو انت مين نور
انتفض ادهم عند سماعه الاسم ونظر لرودينا فاشارت له بالنفى
ادهم:نور مين
دارين:بتسالنى اسال نفسك وانت فى البنج نطقت اسمها تتطلع مين
خديجة:بس بقى سيبى اخوكى فى حاله لسه تعبان
دارين:ماشى ماشى بس لازم اعرف
ادهم:امشى يابت من هنا امشى
دارين:يالهوى فيك اللى فيك وبتزعقلى برضه
ادهم:امشى هخبطك بحاجة

عاد ادهم الى بيته بعد حوالى اسبوع وبدات حالته تستقر شيئا فشيئا كانت رودينا معه باستمرار كانت يوما معه فى غرفته
ادهم:فضحتينى اقول سر تسيحيلى كده
رودى:ههههه انتى اللى فضحتى نفسك يابيضة مش انا وانت فى البنج نور نور تعالى يانور..... ايه هتعمل بيها ايه اهدى شوية
ادهم:تصدقى انا غلطان انى بتكلم معاكى امشى من هنا
رودى:تصدق انا اللى غلطانة كنت فضحتك وقولتهم مين نور..... بس قولى ياادهم انت اد كده ىبتحبها

ادهم:اوى يارودى اوى ومعرفتش كده غير لما بعدت عنها حاسس انى تايه تعبان مش عارف بس حاجات كتير نقصانى فى غيابها تصدقى لو اقدر امشى كنت روحت دلوقتى عند بيتها وشوفتها
رودى:هييييييه فينك يااشرف تسمع وتشوف يمكن تحس على دمك وتقولى كلمتين حلوين كده

ادهم:ياشيخة روحى اشرف كبيره اوى طاجن بامية ويبقى كده وتمام اوى
رودى:تصدق صح ايه رايك انااروح امسك فيه عشان يبطل اكل ويبقى رومانسى كده
ادهم:هههههه ابدا ده مستحيل خلاص راحت عليكم سيبولى شوية

اما عند نور فكانت دائما شاردة عقلها مشغول باستمرار بادهم لاتعلم لماذا وكيف شغل عقلها وتفكيرها ولكن الذى تعلمه الان انه اصبح يشغل عقلها وكيانه بدون اسباب او سابق انذار
نور يانور
نور:ها ايوه ياروفيدة فى ايه
روفيدة:فى محشى اغرفلك مالك سرحانة كده ليه
نور:لا ابدا فى حاجة
روفيدة:ايوه اكرم عايزنا نروح كلنا مع بعض نزور ادهم ايه رايك تيجى
نور:مش عارفة

روفيدة:لا ازاى كلنا رايحين لازم تيجى ده انتى المفروض النائب بتاعه يعنى انتى تكونى اول واحدة
اتاها صوت من خلفها:اكيد طبعا وهى عندها اغلى من ادهم بيه
روفيدة:اه والله يايوسف راجل محترم واخلاق وكلنا بنحبه
يوسف بخبــ,,ـــــث:اه بس نور حاجة تانية ولا ايه يانور

نور:تقصد ايه
يوسف:لا ولا حاجة عادى يعنى هو انتى شايفة فى كلامى حاجة غلط
تجاهلته نور تماما:خلاص ياروفى اتفقوا على معاد ونروح سوا
روفيدة:احنا اتفقنا على بكره تيجى معانا يايوسف
يوسف:اه طبعا لازم اجى اصل ادهم ده حبيبى

كان ادهم فى غرفته يشاهد التلفاز حتى دخلت عليه خديجة:حبيبى عامل ايه
ادهم:الحمد لله ياامى بس زهقان اوى
خديجة:معلش حبيبى بكره تخرج براحتك بس نستحمل اليومين دول ...... اه على فكرة زميلاك فى الشركة جايين النهاردة يطمنوا عليك
ادهم:بجد ياماما مين قالك
خديجة بخبــ,,ـــــث:وانت فرحان كده ليه .... على العموم زياد طلبنى وقالى
ادهم انت فى حاجة مخبيها عليا
ارتبك ادهم:حاجة اي ياماما هيكون فى ايه