غنى بيجاد بقلم سيلا وليد

زفرت جميلة لأنها تعلم أن ابنها لن يرضى بحملها ابدا.. نظرت إليها
لازم تقوليله يانغم مش هيفضل الموضوع مستخبي
-هقوله الليلة إن شاء الله ادعيلي ربنا يهديه ومايهدش الدنيا على دماغي
بحي الألفي
مساء كانت تقف خلف الباب تنظر لأخيها المتسطح على الفراش، ودموعها تنساب على خديها، تحركت إليه بخطواتها الطفولية حتى وصلت إليه ثم طبعت قبلة على وجنتيه
-جاسر انا آسفة ، مكنتس اعرف انك هتوقع، غنى آسفة اد البحر

فتح عيناه الرمادي التي تشبه عين والدته
-غنى أنا كويس، اعتدل يجذبها لأحضانه، صعدت على الفراش بجواره
غنى تحب جاسر اد بيجو
ضحك جاسر، وأجابها
-وجاسر يحب غنى اد البحر..ضم الأخوين بعضهما وهما يبتسمان
خرجت من أحضانه
-اقولك حاجة، قطب مابين حاجبيه
-قولي يافتانة
اقتربت تهمس له بجوار أذنه

-سمعت مامي الصبح بتقول لبابي هتعمل عيد ميلادنا الخامس وهتعزم ناس كتير عسان بابي عايز يدبح عجل ويوزعه للناس ال مس معهم فلوس حرام، فأنا محوسة سوية فلوس من بيجو، عايزة ادفعهم للناس دي حرام جاسر
مس معاهم فلوس ياكلوا
قهقه عليها وهو يضرــ,,ـب كفيه ببعضهما
-اسكتي ياغنى متقوليش كدا عشان كلامك عبيط

مطت شفتيها للأسفل بحزن
-يعني مس هعرف اساعدهم ياخسارة
ضمها يربت على ظهرها
-مش تزعلي ياغنى، يوم الجمعة هروح اصلي مع بأبي وهاخد فلوسك كلها واحطها في المسجد، وانا معايا شوية صغيرين
كان يقف على باب الغرفة يستمع لحديث أطفاله، رفع جاسر نظره وجده مستندا على باب الغرفة، اسرع إليه
-بابي جه، حمله جواد يضمها لص. دره
-حبيب بابي عامل ايه، وازاي وقعت في البيسين مش تاخد بالك

أما غنى التي جلست منكمشة على فراش أخيها ولم تقابله كعادتها ببهجتها، علم جواد بما تشعر به
جلس على عقبيه امام ابنه بعدما أنزله
-جسور انت كويس، بتعرف تتكلم كويس، مش بتكح
هز رأسه نافيا
-لا يابابي انا كويس، وعمو الدكتور قالي انت كويس، حتى أسال مامي وعمو صهيب
طبع قبلة على جبينه قائلا
-حبيب بابي، روح خلي مامي تقولهم يجهزو الغدا، بابي جعان

قبله جاسر على وجنتيه
-حاضر ياأحسن بابي..قالها جاسر وتحرك للخارج..اتجه ببطئ لأبنته التي تفرك كفيها وعبراتها تحتجز بعيناها
جلس بجوارها يجذبها لاحضانه متمددا على فراش ابنه
-حبيبة بابي قاعدة وزعلانة ليه، وكمان مجتش تقابل بابي
رفعت عيناها الرمادية التي تشبه والدتها كثيرا من احضانه، تنظر اليه، ثم تحدثت بصوتها الطفولي
-بابي زعلان من غنى عسان زقت جاسر في البيسين

تصنع الذهول فرفع نظره إليها
-ايه دا، هو غنى زقت اخوها توأمها ال بتحبه اكتر واحد في الدنيا في البيسين
انساب عبراتها على وجنتيها تبكي وتهز رأسها
-آسفة بابي مكنس قصدي، انا كنت اهزر مع جاسر، هو وقع وماما عيطت كتير، وعمو صهيب جري كتير وحضــ,,ـنه، وجاب عمو دكتور يكسف عليه، وانا اعيط كتير اد بحر بابي
رفعها حتى جلست بأحضانه

-حبيبة قلبي وأميرتي الغالية، هي غنى كانت تقصد توجع توأم روحها في البيسين
هزت رأسها بالنفي
-لا بابي، انا كنتس اقصد، انا كنت اهزر معه، هو كان يقول جنى بنت عمو صهيب تروح عند بيجو لو وحشة
قطب جبينه متسائلا
-جنى مين دي ؟!أشارت لبطنها قائلة
-جنى هنا في بطن انطي نهى، هي تقول هتجيب جنى، زي مامي قالت هتجيب واحد وواحد