سبها معلقه حكاوي شيمو

قال له إنت كنت شايف إنك لما تمنع عنها الطلاق تفضل ملكك وهي كانت شايفة إنك لما ترفض ترجع لها، بتقول لها بشكل غير مباشر إنك مش عايز تكمل. ثم قال راحت المحكمة، وخدت الخلع. وبعدها بفترة قابلتني. رفع الرجل عينه وقال ووافقت تتجوزك بسهولة؟ ابتسم ابتسامة حزينة وقال لا خالص. كانت خايفة.

كانت بتقولي أنا مش عايزة أعيش تجربة تانية وأتوجع. وأنا قلت لها مش مطلوب منك تنسي اللي حصل، ومش هطلب منك تثقي فيا من أول يوم. خدي وقتك. ومع الوقت بدأت تثق فيه. اتجوزوا. وبعد فترة سافروا قطر. وبنت بيت جديد. وبقى عندهم طفلين. هنا الرجل ما قدرش يمنع نفسه من السؤال هي كانت سعيدة؟ الراجل بص له وقال أيوه. الجملة كانت بسيطة لكنها كانت أصعب جملة سمعها.

لأن كل اللي كان بيقنع نفسه بيه طوال السنين وقع في لحظة واحدة. هو كان فاكر إنها قاعدة في مصر مستنياه. وكان فاكر إنه لما يمنع عنها الطلاق يبقى كده ضامن إنها مش هتكون لحد غيره. وكان فاكر إن الزمن واقف عند اللحظة اللي سافر فيها. لكن الزمن ما وقفش الزمن مشي وهي مشت معاه. وقبل ما يمشي، سأله ممكن أشوفها؟ رد عليه بهدوء ليه؟ قال عايز أعتذر.

قال له الاعتذار حقك لكن قبول الاعتذار حقها. رجع مصر، وقعد أيام يفكر. وبعدها بعت لها رسالة قصيرة جدًا أنا آسف عرفت متأخر إنك ما كنتيش معلقة، أنا اللي كنت معلق نفسي في الماضي. الرسالة وصلت. قرأتها لكنها ما ردتش. مش لأنها بتكرهه ولا لأنها عايزة تنتقم منه. لكن لأنها كانت خلاص تجاوزت المرحلة دي من حياتها. وبعد يومين، ردت عليه بكلمتين فقط ربنا يسامحك.

وقتها فهم إن بعض الأبواب لما بتتقفل مش بتتقفل علشان نعاقب حد بتتقفل علشان الحياة تقدر تبدأ من جديد. وهو كان فاكر إنه سايبها معلقة لكن الحقيقة اللي عرفها بعد أربع سنين إنه كان الوحيد اللي واقف مكانه. أما هي فكانت عايشة. اتجوزت. وسافرت. وخلفت طفلين. وبنت حياة جديدة. والأغرب إن كل ده حصل وهو مقتنع إنها لسه مستنياه!

النهاية إيه رأيكم؟ هل شايفين إنها كان من حقها تبدأ حياة جديدة بعد ما استمر في رفض الطلاق؟ اكتبوا رأيكم في التعليقات، ومتنسوش تصلوا وتسلموا على حبيبنا ونبينا محمد ﷺ اللهم صل وسلم وبارك على سيدنا محمد وعلى آله وصحبه أجمعين. حكاوي_شيمو