سبها معلقه حكاوي شيمو

لكن اللي حصل بعد المكالمة دي كان أغرب بكتير لأن الراجل قرر يعمل حاجة ما حدش كان متوقعها، ولما عرف مين الشخص اللي اتجوزها وإيه اللي حصل بينهم طوال الأربع سنين اتجنّن وطلب من أخته ترجع مصر فورًا، وقال لها لازم أعرف الحقيقة بنفسي! يا ترى إيه اللي حصل بعد كده؟

يتبع ولو الحكاية عجبتكم، قولولنا رأيكم في التعليقات ومتنسوش تصلّوا وتسلّموا على سيدنا محمد ﷺ اللهم صل وسلم وبارك على سيدنا محمد وعلى آله وصحبه أجمعين حكاوي_شيمو الجزء الثاني أخته كانت فاكرة إن أخوها هينهار لما يعرف إنها اتجوزت لكن اللي قاله بعدها خلّاها هي نفسها تخاف من اللي ممكن يعمله!

بعد ما قالت له إن مراته السابقة خلعت منه من أربع سنين، واتجوزت وسافرت قطر وبقى عندها طفلين، فضل ساكت ثواني طويلة. أخته قالت إنت سامعني؟ قال بصوت متوتر يعني إيه خلعتني؟ ردت يعني راحت المحكمة، وأخدت حكم بالخلع، وانتهى الجواز من أربع سنين. قال بعصبية وإنتِ متأكدة؟ قالت أيوه متأكدة دي مش إشاعة. أنا سألت بنفسي. فضل ساكت شوية، وبعدها قال طيب هي اتجوزت إمتى؟ قالت بعد الخلع بفترة.

سألها وخلفت؟ قالت أيوه عندها طفلين. هنا صوته اتغير وقال طفلين؟! قالت أيوه، طفلين. سكت تاني، وبعدين قال يعني طول السنين دي أنا كنت فاكر إنها مستنياني؟ ردت عليه إنت اللي كنت فاكر ده هي كان عندها حياة كاملة. الجملة دي وجعته أكتر من أي حاجة. فضل طول الليل مش عارف ينام.

قعد يفتكر كل مرة كانت بتطلب منه ينهي حياتهم بشكل واضح، وهو كان بيرد عليها مش هطلقك خليكي معلقة. كان وقتها شايف إن الكلمة دي قوة. دلوقتي لأول مرة فهم إنها ما كانتش قوة كانت مجرد وهم. تاني يوم اتصل بأخته وقال لها عايز عنوان أهلها. قالت هتعمل إيه؟ قال عايز أفهم. قالت له تفهم إيه؟ أربع سنين عدّوا يا أخويا الست اتجوزت وبقت أم.

قال أنا مش عايز أروح أعمل مشكلة أنا عايز أعرف هي ليه عملت كده من غير ما تستناني. أخته بصت للتليفون وسكتت. وبعد لحظات قالت إنت لسه فاكر إنها كان لازم تستناك؟ ما ردش. لأنه لأول مرة ما لاقاش إجابة. وبعد أيام رجع مصر. أول حاجة عملها إنه راح لبيت أهلها. لكن لما وصل، والدها استقبله ببرود شديد.

قال له جاي ليه؟ رد أنا عايز أعرف الحقيقة. والدها قال الحقيقة إيه؟ قال بنتك ليه خلعتني؟ ضحك والدها ضحكة قصيرة وقال إنت لسه بتسأل السؤال ده؟ قال أيوه. رد عليه أربع سنين وأنت سايب بنتي من غير بيت ولا حياة، لا بترجعها ولا بتطلقها، وكل ما كانت تطلب منك حل كنت تقول لها خليكي معلقة ودلوقتي لما بدأت حياة جديدة جاي تسأل ليه؟ قال أنا كنت ناوي أرجع!

والدها رد إمتى؟ بعد عشر سنين زي ما كنت بتقول؟ سكت. ثم قال طب هي كانت بتحبني؟ والدها بص له فترة طويلة وقال السؤال ده كان لازم تسأله وهي مراتك مش بعد ما بقت أم لولاد راجل تاني. خرج من عند أهلها وهو لأول مرة حاسس بحجم السنين اللي ضاعت. لكن قبل ما يركب عربيته، جاله اتصال من رقم غريب. رد ألو؟ جاله صوت رجل وقال بهدوء أنا زوجها. سكت.