وقالت استاذ مروان مروان افندي مروان باشا
مروان حيلك حيلك ايه افندي وباشا محسساني اني في فيلم من ايام الاربعينات
كارما انا حذرتك قبل كده ماتتكلمش معايا الا في حدود الشغل دموعها نزلت
مروان حس انه زودها حبتين خلاص اهدي انا بهزر معاكي
كارما بعصبية لا يا مروان انت مش بتهزر انت قاصد تفكرني بالغلطة اللي غلطتها زمان انا كنت صغيرة وما كنتش عارفة الصح من الغلط وحضرتك ما قصرتش
مروان كارما انا مش فاكر انتي بتتكلمي عن ايه
كارما انت كداب يا مروان وياريت تخرج من هنا ولا امشي انا
مروان علي ايه خليكي قاعدة وانا هاخرج شوية وراجع تاني تكوني هديتي
خرج مروان من المكتب وهو بيقول لنفسه كبرتي يا كارما وعقلتي شكلي هتعب اوي معاكي لغاية ما انسيكي الچرح اللي جرحتهولك زمان
في مكتب ادم
ادم كان قاعد ومركز اوي ف شغله الباب خبط كانت رنا
ادم قال ادخل من غير ما يبص
رنا هاي دووومي
بقلمي إيزيس بنت الصعيد
ادم بص لرنا من غير ما يرد وبعد كده بص تاني ف الورق اللي قدامه
رنا قربت منه اخص عليك يا دووومي مين اللي من حقه يزعل بص كده يا دوومي انت عملت فيا ايه
مسكت ايد ادم وحطتها هلي على خدها مكان القلم اللي انضـ,ـربته امبارح
ادم بص لقي خدها وارم
ادم بصلها ب وش خالي من
التعبيرات اسف
رنا انا سامحتك اعمل ايه بقا مش بعرف ازعل منك
ولسة هتبوسه قام بعدها عنه
ادم بهدوء اقعدي يا رنا عايز اتكلم معاكي
رنا قعدت
ادم رنا هو احنا لو اتحوزنا وخلفنا وقلتلك علمي اولادي الصلاة والقرآن هتعرفي
رنا طب وليه اتعب نفسي يا دوومي مانا اجبلهم شيخ يعلمهم
ادم طب وانتي مين هيعلمك
رنا بعصبية ادم انت البنت المعقدة دي عاملتلك ايه عملتلك غسيل مخ بقيت كل ما تشوفني تقولي صومي صلي اتحجبي بقيت معقد زيها بالظبط
أدم بنفس الهدوء حبيبة مش معقدة انتي اللي خرباها يا رنا
واثناء ما بيتكلموا دخلت حبيبة ومعاها علبة الغدا لادم
حبيبة السلام عليكم أنا آسفة كنت فاكراك لوحدك
أنا هستني برا لغاية ماتخلصي شغل
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.