لما شوفتني بعد سبع سنين ولا لما عمتو قالتلك اني كنت واقفة جنبها واني كنت بهتم بيها فصعبت عليك بقي وجيت وقتها تشرح زي ما انت بتقول
فارس بضيق
معرفش واحسبيها زي ما تحسبيها لو ده اللي هيريحك وانا غلطان اصلا اني جيت من الاساس اكلمك بس اعملي حسابك اني هخطب
ع\شق بابتسامة وصوت مخڼوق
تمام براحتك يا ابن عمتي واعتبرني كأني مش هنا وانا هعتبر نفسي كأنك لسة مسافر بس الطلاق هيتم قبل فرحك عشان انا مش هفضل طول عمري مربوطة بيك
فارس بجدية وغيظ
تمام زي ما انتي عاوزة يا ع\شق
ع\شق بصوت بيرتعش
تمام ممكن امشي بقي تصبح علي خير يا ابن عمتي
قالت كدة ع\شق ومشيت وسابت فارس واقف مكانه بيبص لاثرها پغضب ممزوج بحيرة
تاني يوم كانت واقفة ع\شق قدام المراية وهي بتبص لنفسها وهي مش عارفة هتقدر تكمل ازاي التمثيلية اللي بدأتها وازاي هتتعامل مع فارس كأخوها بعد ما كانت بتعتبره كل حياتها بس لازم تفضل علي موقفها عشان كرامتها قدامه اتنهدت وخرجت بعد ما اتأكدت من هيئتها قدام نفسها
ع\شق بابتسامة
صباح الخير يا عمتو
زهرة بابتسامة
صباح الورد يا نور عيني يلا تعالي افطري
ع\شق وهي بتقعد جمب زهرة
طيب مصحتنيش بدري ليه عشان احضر الفطار يا عمتو
زهرة بحب
هو يعني جت من يوم يا حبيبتي وبعدين انا عارفة ان انهاردة يومك وانتي بتحضري من بدري ليه ها جاهزة
ع\شق وهي بتقوم تحت نظرات فارس اللي كلها فضول واعجاب من شكلها اللي لفت انتباهه
طبعا جاهزة انتي
—
عارفة اني ما بصدق اليوم ده يجي يلا همشي انا عشان متأخرش عاوزة حاجة يا حبيبتي
فارس بجدية مصطنعة
احم هو انتي رايحة فين
ع\شق بتجاهل
مشوار بعد اذنك يا عمتو انا ماشية
فارس بضيق
ايوة يعني مشوار ايه وفين
ع\شق بغيظ
وانت مالك معلش متحسسني انك واصي عليا انا مش صغيرة
فارس بحدة
وطي صوتك وانتي بتتكلمي معايا ده اولا ثانيا بقي انا طالما بقيت موجود يبقي لما اسألك تردي وكمان تاخدي اذني قبل ما تخرجي فاهمة ولا لا
ع\شق پغضب
لا مش فاهمة وانت ملكش دعوة بيا وبعدين انت مش عشان رجعت ده هيخلي اي حاجة تتغير وياريت تخليك في اللي يخصك وبس
زهرة بتوتر
استهدو بالله يا ولاد مالكم كدة عالصبح بس وبعدين يا ع\شق فارس بيطمن عليكي مش جوزك لازم برضه تعرفيه اما تيجي تخرجي
فارس اتوتر وردت ع\شق بانفعال
متقوليش جوزك يا عمتو لو سمحتي واعرفي انه هيطلقني قبل ما يتجوز هو متفق معايا علي كدة انا ماشية
زهرة پصدمة بعد ما ع\شق مشيت
انت فعلا اتفقت مع ع\شق علي كدة يا فارس هو ده اللي قولتهولك
فارس بضيق
يا ماما لو سمحتي انا مليش ذنب هي اللي اسلوبها فظيع وبصراحة انا كويس اني مسكت نفسي ومدتهاش قلمين علي اسلوبها ده
زهرة بتنهيدة
يابني حرام عليك ده بدل ما تحاول تقرب منها وتحسسها بالامان البنت لسة حاسة انها لوحدها خصوصا بعد صډمتها فيك لما رجعت مع البنت دي
فارس بزهق
والله انا مش فاضي ادلع واطبطب وبصراحة كدة انا شايف ان كدة احسن وانها متتعودتش عليا عشان مترجعش تقول اني خدعتها بعد اذنك بقي عشان لسة هقابل يارا في الاوتيل عشان ورانا مشاوير
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.