الاسد

اسد. اطفحي وانتي ساكته
نور. مستحيل ادفع الاول متقلقش دا انا حتي حسابي ف البنك بالملاين
اسد. خلاص اعزميني انتي
نور. عيب عليك يا باشا تبقي ملو هدومك كدا واعزمك
اسد بنفاذ صبر قالها اخلصي ف يومك اللي مش عاوز يخلص دا والباب اتفتح
نور. بصت لقت شخص باين عليه الهيبه قامت بسرعه وقالت الحقني يا باشا الحقيني يا حكومه الحقووووني يا ناااس

اسد. بصلها وانصدم
اللواء شكري. ف ايه مالك
نور. الحقني يا باشا اغيتوني ياناس
اللوا شكري. مالك يا بت
نور. قالت الباشا الصغير يا باشا مبهدلني ومعذبني من امبارح وكمان دخلني الحجز وخلي النسـ,ـوان اللي هناك ضـ,ـربتني وعورتني وكل دا ومكفهوش جاب الرجاله بتوعه وعدموني العافيه السهره كانت عليا يا باشا دا انا معتش فيا حيل يا باشا دا انا مش نافعه تاني يا باشا
اللوا شكري. بص ل اسد ووو .

....اللوا شكري. بص ل اسد
اسد بصلها وقال انا انا عملت فيكي كدا
نور. وهو انا هتبلي عليك يا باشا ولا ايه
اسد. يا بنت ال
نور. ااه ياني اه يا نور يا اللي معتيش نافعه نفسك وصحتك راحت بلاش اااه ما هو الواحد كدا علشان غلبان مش عارف ياخد حقه ف البلد دي ما هي البلد دي كدا بس علي مين هو انا اي حد انا من عيله كبيره قوي ومش هسكت

اللوا شكري بصلها وابتسم وشاف الاكل اللي عالمكتب وكمان عارف ان اسد مستحيل يعمل كدا
اسد. بغيظ فيها قالها انتي كمان هتغلطي ف البلد
نور. اغلط فيها ليه هي ليها حاجه عندي انا بس الاقي فرصه وقسما عظما منا قاعده فيها ثانيه واحده
اسد. كمان مش عجبك حال البلد
نور. انت مصر تلبسني قضيه وخلاص مالك يا باشا وبصت للوا شكري وقالت شوفت بعينك يا باشا بيعاملني ازاي

شكري. ببتسامه قالها اسمك ايه
نور قالت. نور الجوهري
اسد. قالها نعم
نور. ايه هو الاسم عليه قضيه ولا ايه يا باشا ولا يكون مش عجبك ولا
اللوا شكري. لا ابدا دا اسم جميل وبصله وقال في حاجه اسمها تشابه اسماء يا باشا
نور. والله انتي عسل مش الباشا الصغير اللي خلاني اكره الشرطه والداخليه باللي فيها الله يحـ,ـرقهم كلهم وبعدين برقت عيونها وقالت إلا حضرتك ياباشا

اللوا شكري. ايه اللي جابك هنا
نور. الباشا جبني باليل ومش راضي يمشيني وانا معملتش حاجه ومستحيل حتي اغلط ف الشرطه ولا الدخليه هي سايبه ولا ايه كل من هب ودب يغلط
اسد. اخرصي يا بت انتي
اللوا شكري. لحظه بس وبعدين قالها بكل ابوه وحنان ايه اللي طلعك باليل ف وقت متأخر كدا

نور. اعمل ايه يا باشا اكل العيش
اللوا شكري. انتي بتشتغلي
نور. ايوا بشتغل ف مطعم
اللوا شكري. طيب ليه مش بترجعي بدري علشان انتي بنت
نور. اعمل ايه يا باشا للاسف هو دا الوقت اللي لازم اروح فيه المطعم وللاسف بردو لازم اتأخر
اللوا شكري. ليه
نور. علشان بدرس
اللوا شكري. انتي بتدرس
نور. طبعا يا باشا انا وبلا فخر ف كليه هندسه سنه خامسه
اسد. اتفاجئ بكلامها