صعد محمد إلى اعلى. ودخل عيسى الى مكتب والده بعد ان خبط على الباب وسـ . ـمح له مهران بالدخول.مهران كيفك يا ولدي
عيسى بخير يا ابوي كنت عاوزك في موضوع اكده
مهران خير يا ولدي في حاجه في الشغـ . ـل
عيسى لا اطمن يا ابوي كل شيء تمام والحمد لله اه انا كنت غايب عنه ليا فتره طويله لكن محمد ربنا يبارك فيه سادد
مهران ربنا يبارك فيكم يا ولدي. امال في ايه
عيسى بصي يا بوي محمد ولد عمي طالب يد ورد هو كان كلمني في الموضوع من زمان بس يعني انا بعد اذن حضرتك كنت عايز اعرف راي ورد في الموضوع الاول وخليت مرتي جثت نبضها يعني وعرفنا ان في قبول فايه رايك يا ابوي في الموضوع ده .
مهران بفرحه ودى فيها رأى طبعا موافق ده ولد عمها. ومحمد راجل زين ويعرف ربنا وسبع واقدر اطمن على بنتي وهي وياها
عيسى يبقى على خيره الله بس هو عايز يكتب ويدخل بعد اسبوعين
مهران تمام شوفوا محتاجين ايه ونفذ على طول يا ولدي وربنا يتمم على خير وزي ما بيقولوا خير البر عاجله
عيسى تمام يا ابوي بس قوم معايا دلوقت علشان تقول لامي ولورد كمان عشان يجهزوا نفسهم.
مهران ماشي يا ولدي. وخرجوا الى الخارج وجدوا ان النساء قد اعدت سفره الطعام
وهيبه طلعتوا في وقتكم يلا بينا علشان السفره جاهزه. وفي الوقت ده كمان محمد نزل من فوق
مهران تمام يلا بينا. وفعلا قعدوا على مائده الطعام وابتدوا يتعشوا وهم يتناولون اطراف الحديث وفي وسط حديثهم.مهران بقول ايه يا حجه
وهيبه خير يا حاج
مهران في عريس متقدم لورد بنتك
وهيبه و مين ده يا اخوى حد نعرفه
مهران عز المعرفه محمد ولد اخويا
وهيبه وهي دي فيها قولي اخويا ربنا يتمم على خير
مهران وانت رايك ايه يا ورد
ورد بكسوف القول قولك يا ابوي
مهران يبقى على خيره الله ان شاء الله كتب الكتاب والدخله هيبقوا يوم الخميس الجاي غير الجاي
وهيبه بس بدري اكده يا اخوي مش هنعرف نجهزوا حاجه
مهران لا يا حاجه هنقدر ان شاء الله من بكـ .
ـره ان شاء الله العروسه تخرج ويا اخوها عيسى وتشوف هي محتاجه ايه وتجيبه. كمان هكلم الراجل بتاع العفش واخليه يجيب عفش لجـ . ـناح محمد جديد
ويشوف لو في حاجه عايزين يغيروها يقولوا ونعملها
محمد كل ده انا مظبطه يا عمي وكنت مستني امرك . وهي تؤمر على اللي هي عاوزه.مهران نفذ يا ولدي ربنا يتمم لك على خير.محمد الله يبارك فيك يا عمي.
مهران يبقى على خيره الله نفذ يا عيسى انت ويونس ومحمد عايز كل حاجه تبقى على اكمل وجه
يونس اطمن يا ابوي كل حاجه هتبقى تمام الف مبروك يا خيتي الف مبروك يا اخويا
محمد الله يبارك فيك يا دكتور عقبال اولادك
صبا مبروك يا حبيبتي
ورد بكسوف الله يبارك فيك يا خيتي
صفا الف مبروك يا ورد الجوري
ورد ربنا يبارك فيك يا حبيبتي وعقبال ولادك
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.