مصطفى بمكر : اتضايقتي ليه يا ليلو ده انا حتي هبقي جوزك
ليلة : دي مجرد تمثيلية يا استاذ
مصطفى : بخ يا به مفاجأة يا به اول مره اعرف
ليلة بضحك من كلامه : والله
مصطفى : ايوة كده اضحكي ما حدش واخد منها حاجه
ليلة ومصطفى قعدوا يتكلموا عن حياتهم وكل حاجة فيها وبقوا أصحاب اكتر من الاول وجه الوقت المنتظر
يا تري ايه اللي هيحصل ؟؟!البارت الثالث
ليلة :انا مش هحضر الفرح
مي : يعني ايه ياحبيبتي بعد ما جهزنا كل حاجة
ليلة ببكاء: حاسة انو عمره ما هيحبني كان نفسي اتجوزوا وهو بيحبني لكن دلوقتي لا
مي بتفكير ؛طب ما تخليه يحبك انا متأكدة انك هتعمليها ده انتي ما شاء الله قمر
ليلة : يارب يامي يا رب وبعدين أنا متوترة
مي : اهدي بقي علشان الميكب ارتيست تدخل
عند مصطفى
مصطفى : الله الله ايتا ايتا ده الواد ده عنيه حلوين كده ليه مين قده يا ناس ومين قد عينيه
عمرو ( الحلاق ) : ماشاء الله قمر يا باشا
مصطفى : اوعي تكون اللي بالي بالك لا بقولك ايه انا شريف وهفضل طول عمري شريف
عمرو بضحك : خلاص يا عم انا لقيتك بتغني لنفسك فقولت يعني اقولك اي حاجة بدل ما الناس يقولوا عليك مجنون
مصطفى : مجنون مجنون المهم اني هتجوز حبيبتي
عمرو بابتسامة : يا بختها بيك
مصطفى بصدمة : انت متاكد انك مش اللي بالي بالك
عمرو بضحك : يا عم بص قدامك علشان اخلص في اليوم ده
عند ليلة ومي
مي بدهشة : ما شاء الله تبارك الله قمر
ليلة بفرحة : ايوة انا حلوة اوي
حميدة : قمر يا حبيبتي ربنا يسعدكم
كريمة : لا انا خلاص مش هجوزك لمصطفى هجوزك لتوم كروز
ليلة بضحك : لا يا ماما توم كروز كبير عليا شوفيلي حاجة اصغر
حميدة : ابني احلي من توم كروز
لتردف مي : يا ماما القرد في عين امه غزال
لتردف مي بصدمة : القرد جه قصدي مصطفى جه
ليلة بانبهار :. قمر اوي لتلف بسرعة
مصطفى في نفسه هي لفت ليه
مصطفى : ليلة
لتلف ليلة مرة أخري
مصطفى : ما تخلصي في أم يومك ده اه انتي بتلعبي وكده
لتلف ليلة مرة أخرى
مصطفى ذ: لا خلاص مش لاعب
لتلف ليلة له
مصطفى بانبهار : ماشاء الله قمر
ليلة بخجل : شكرا هات الورد
مصطفى بضحك : لا انا اللي هشيلة
ليلة بضحك : هات يا مصطفى انا العروسه
مصطفى : خدي يا ستي مش خسارة فيكي
وبدأ الحفل
ليلة : الفرح حلو اوي انا حاسه اني في حفلة سندريلا
مصطفى : وانا الامير صح
ليلة ؛ لا انت مرات الاب
مصطفى بهمس هعديهالك يا سندريلا
لتضحك ليلة كثيرا
انتهي الحفل
ليذهب مصطفى وليلة الي غرفتهم
ليلة : انا هدخل اغير في الحمام
مصطفى : وانا هاجي اساعدك
ليلة : مصطفى اتلم
مصطفى :انا قاعد اهو يلا بقي بسرعة
ليلة دخلت وبعد مرور ساعة ونصف
مصطفى : انتي موـ,,ــــتي
ليلة: خلاص طالعة اهو
مصطفى : ايه ده انتي اتحجبتي
ليلة : اه
مصطفى : نعم يا اختي لا احنا نرجع ولاد عمة احسن
ليلة : يا ريت علشان انا خايفة اوي
مصطفى: طب يلا ننام
ليلة :. انت هتنام فين
مصطفى ببرود : علي السرير
ليلة : وانا هنام فين
مصطفى : ع السرير برضو
ليلة : لا والله جو الروايات ده ما يمشيش معايا
مصطفى : روايات ايه يعني انا هنام فين ع الأرض مثلا
ليلة : طب هنعمل ايه اروح انا في اوضتي
مصطفى : روحي علشان نتفضح بقولك ايه انا هنام جنبك بس هبقي محترم
ليلة : والله
مصطفى : اه والله انا اساسا محترم
النقاش
التعليقات والردود (0)
سجّل الدخول للمشاركة في النقاش. تسجيل الدخول
لا توجد تعليقات بعد — كن أول من يشارك رأيه.